408

REGISTRES DU BUREAU

[i556j

impétuosité, qu'il sembloit que tout deust fondre, et faisoit si grant et merveilleux bruyt, qu'on la povoit oyr de plus de sept lieues loing. Mais elle rendoit si grande fumée, qu'on ne voyoit goutte en lad. place de Greve. Après que lad. fumée fut passée, fut mys le feu au boys qui estoit préparé, et fut deffoncé ung muy de vin,-et donné six douzaines de pain au pauvre peuple, qui cryoit à haulte voix : Vive le Roy!

Et ce faict, mesd. S^rs de la Ville menèrent lesd. S^r Prevost de Paris et sad. Compaignée prendre la collation qui estoit préparée au Bureau de lad. Ville, où il y avoit violons et autres instruments de musique qui resonnoient par une grande et doulce armonye, en la presence desd. S" et de plusieurs S™, Dames et Damoiselles qui estoient illec venues pour voir lad. solempnité, lesquelles se prindrent à danser en signe de joye et lyesse. Et après que les dessusd, eurent prins lad. collation, remercièrent mesd. S™, et s'en allerent par les carrefours, places et lieux acoustumez, parachever de cryer et publier lad. trefve en l'ordre qu'ils estoient venuz.

Ce faict, Mesd. S^rs les Prevost des Marchans et Eschevins se retirèrent en leur Petit Bureau pour consulter et adviser quant on devoit faire procession pour rendre graces à Dieu de lad. trefve; lesquelz conclurent et adviserent que ce seroit le landemain, qui estoit le lundi gras : par quoy feurent en dilligence expédiez mandemens en forme de semonce à Mess" Conseillers, Quarteniers et Bourgeois de lad. Ville pour venir el eulx trouver demain, à sept heures du matin, en l'Oslel de lad. Ville pour acompaigner Mesd. S™ à lad. procession partans de l'eglise Mons^rSaint Jehan en Greve, parroisse de l'Ostel de lad. Ville, pour aller à la grande eglise Nostre Dame de Paris.

Fut aussi envoyé mons^r Lescalopier, Eschevin, el ra' Jherosme Angenost, Procureur du Roy et de lad. Ville, par devers Mess" du Chappitre, pour savoir si demain y seroient prestz à huit heures du matin de recevoir lad. procession et faire le service solempnel. Lesquelz, après avoir assemblé le Chappitre, et con-

suite sur lad. requeste, auroient faict responce qu'ilz estoient amys et serviteurs de Mess" de lad. Ville, et qu'ilz livreroient la place, pourveu que autres que ceulx de lad. Eglise ne chantassent au cueur, et que ung prélat feist l'office ; et que en ce faisant on trouveroit tout prest, assavoir les chantres pour chanter ■ la messe solempnelle, l'organiste pour jouer des orgues, et les sonneurs pour sonner les grosses cloches, et que le curé et prestre de Sainct Jehane y assisteroit seullement avec les Quatre Mendians sans chanter en lad. eglise.

Après laquelle responce oye par Mesd. S", oni envoyé en dilligence prier Mons^r l'abbé de Sainct Magloire <²) pour venir dire lad. messe : ce qu'il promist faire.

Procession pour la trefve. Ce faict, a esté mandé le curé de Sainct Jehan en Greve qui est comparu au Bureau de lad. Ville; luy a esté declairé le voulloir du Roy, et monstré l'ordre anciennement tenue et dit comme il se devoit gouverner en tel cas. Lequel a promis de assembler ses prestres, mander les fillettes de Sainct Jehan, qui sont le Sainct Esprit, les Billettes, les Blancs Manteaux et les Hauldriettes'³', avec leurs belles chappes et reliquaires, pour venir à lad. procession.

PREPARATIPZ POUR LA PROCESSION.

A aussi esté envoyé le sonneur de Sainct Jehan dire par les maisons de lad. parroisse qu'on appor-tast ou envoyast demain des torches et luminaires pour la reverence des Sainctes Reliques qui seroient portées en lad. procession.

Luy a esté aussi commandé de sonner en beau carillon lad. procession à l'heure de sept heures au soir, pour esmouvoir le peuple à devotion et à venir à lad. procession.

Luy a esté aussi ordonné de faire parer le maistre autel, tendre l'eglise de tapisserye, et advertir l'organiste déjouer des orgues quant il seroit tant.

A esté aussi mandé à Nicolas Paulmier, Guillaume

⁽¹⁾ L'église Saint-Jean en Grève, qui était la paroisse de l'Hôtel-de-Ville.

(2) Charles Boucher d'Orsay, abbé de Saint-Magloire (i524-i55g) et de Saint-Michel de Chartres, évêque de Megare in partibus, premier chapelain du Roi.

(3) Ces quatre maisons religieuses étaient assises en la paroisse de Saint-Jean-en-Grève, et pour cette raison elles étaient appelées communément «les Fillettes de Sainct Jehann. — Voici leur situation topographique : l'hôpital du -Sainct-Esprit-en-Grèven (voir plus haut, p. 143, note 3); les bâtiments des k Billettes n et des "Blancs-Manteaux- existent encore dans les rues de même nom; les tt Haudriettes n habitaient encore la rue de la Mortellerie (aujourd'hui de l'Hôtel-de-Ville), dans la partie orientale de cette rue qui fut démolie en 1841 pour former le jardin du Préfet de la Seine.